Darvin belə bir şey etməyib. Həqiqətin nə olduğuna keçmədən öncə gəlin bir versiyaya baxaq.
Lap tutaq ki, edib. Tutaq ki, darvin iddia edildiyi - ki, bu cür iddialar ancaq dindar kəsim tərəfindən səslənir, məlumdur ki, nəyə görə - kimi ölüm ayağında təkamüldən şübhə duyub, qəbul etməyib. Bu, onun dediyini əldə bayraq edib təkamülə qarşı çıxmağa əsas verirmi?
- xeyr!
- Niyə?
Analoji bir misala baxaq: əgər Nyuton ölüm ayağında: "mən səhv bilmişəm, cazibə qüvvəsi yoxdur", - desəydi, necə olardı? inanıram ki, bu gün hər kəsin reaksiyası "uy da. Kişi düz bilirmiş e. Heyif ki, əmin olmayıb, sonradan fikrini dəyişib" kimi və ya buna yaxın bir şey olacaqdı. darvin də elə bir ifadə işlətmiş olsaydı - ki işlətməyib, amma biz o ehtimala nəzər salırıq - bizim buna qarşı reaksiyamız da nyutona verəcəyimizlə eyni olmalıdır. Çünki təkamül hazırda elm dünyasının ən tutarlı və sağlam nəzəriyyələrindən biridir və 130 il bundan qabaq indiki halından 10 dəfələrlə zəif və çəlimsiz formada olan nəzəriyyə haqqında elə bir ifadə də artıq heç bir məna daşımır və daşımamalıdır. Ona görə ki adicə, darvinin ölümündən 50-60 il sonra onun ağlında sual yaradan ilkin boşluqların, demək olar ki, hamısı əsaslandırıldı, fosillər tapıldı.
Yaxşı bəs darvin belə bir ifadə işlətməyibsə, bu ifadə hardan çıxıb ortaya? "od olmayan yerdən tüstü çıxmaz". Əslində, doğrudur, çünki darvin bu qəbildən ifadə işlədib. O da göz barəsindədir. Darvin öz notları arasında, təxminən, belə bir cümlə yazmışdı: "gözə nəzər saldıqca ürpənirəm. bəzən özüm də şübhəyə düşürəm ki, belə mürəkkəb orqan necə formalaşa bilər?". Hə, 130-160 il bundan qabaq belə bir söz işlədilib. indi isə elmə məlumdur göz - darvini şübhəyə salan orqan, necə bu hala gəlib çıxa bilib. Əgər bilmək istəyən varsa, aşağıya linki qoyuram, oturub izləsin. Həmçinin, nə vaxtsa bu kimi ifadə işlədən insan görsəniz, ona da bu dediklərimi deyib, videoları izlətdirin.
Qısadan(8 dəqiqə) uzuna(45 dəqiqə) doğru:
(youtube: 
)
)(youtube: )
)(youtube: )
)